E siman aki Post Aruba a ricibi su prome bishita escolar pa 2023, di un total di 128 alumno di klasnan 1 y 2 (parti den 3 grupo) di Reina Beatrix School.
E alumnonan a haya rondleiding den e diferente departamentonan di Post Aruba. A informa nan di e diferente proceso di servicionan, manera e proceso pa manda un carta, cu nan mes a experiencia door di a skirbi un carta pa nan mayornan y post esaki pa nan adres di cas.
Nan a pasa tambe na e departamento di besteldienst (servicio di entrega), Post Pakket, EMS y E-Post, entre otro.
E studiantenan a haya oportunidad pa subi riba scooter y na final cada mucha a ricibi un bunita paki cu un variacion di stampia local y internacional pa cual nan a keda masha contento.
E dia aki sigur tabata un experiencia agradabel y educativo pa e muchanan cu a haya sa kico ta e servicio postal, con esaki ta funciona y a cera conoci cu e empleadonan di Post Aruba.
Ta recorda tur otro scol cu semper nan ta bonbini na Post Aruba pa asina contribui na e conocemento di nos studiantenan!
