Marylaine Croes a caba di gradua na Hulanda y su scol, Aris Hogeschool a traha hunto cu Waageningen Universiteit, unda el a haci su pasantia varios biaha y a traha varios caminda, entre otro algen project y tambe hopi mas investigacion. Cu su estudio e kier djis stimula mas di nos studiantenan cu ta interesa pa studia afo, bay haci un estudio, pa por pensa mas riba nos pais, kico nos kier studia, kico kier wak den nos pais pa bay dilanti. Pa stimula e studiante, siña agricultura of haci algo den horticultura, algo cu nan ta sostene mas den nos pais.
Presentacion
Ora cu duna presentacion, ta informa di e tecnologianan nobo cu tin riba e mercado di agricultura y kico por wordo uza na Aruba.
Un bista na Aruba
Croes a splica cu ta basta leu di cas. Tur e tecnologianan nobo cu tin na mundo, manera na Israel, Colombia, Ecuador, cu ta mesun tipo di temperatura cu Aruba tin, ta hopi mas avansa y cu ayudo di nos Gobierno y ministernan, sigur por traha hunto pa yega na leynan nobo cu tur por traha hunto pa promove agricultura.
Con facil e ta pa logra
Siguramente un agricultor cu kier cuminsa su negoshi, ta pensa cu ta hopi caro, pasobra e inversionnan cu tin cu haci pa por cuminsa como agricultor, no ta solamente e tereno, pero ta e awa, e ta e meststoffen, e nutrientenan cu e matanan tin mester pa crece y tambe despues di esey, mester tambe e banconan y esnan cu ta kere den e agricultor, cu por expande su mes y por ta duna mas miho servicio pa por bira self sustainable.
Contribucion na nos isla
Croes a comenta cu e ta sigur cu el a siña e cos corecto. E mes ta sostene su mes. E por produci su mesun cuminda y a base di esey e por sigui duna guia na con otro persona por logra autosostene su mes.
Cuanto tempo mester pa guia
Akinan nos tin e sistema anticua pa planta. Marylaine Croes a splica cu esaki tin su proceso y no ta bay di un dia pa otro. Pero unda bo tin gana pa haci algo, semper bo por purba di complementa. E ta tarda un periodo, pero si traha hunto lo por logr’e.
Contacto
Na Hulanda bo ta wordo educa cu diferente bolsa rond di Europa. Asina eynan bo ta habri bo conocemento y bo contactonan cu bo por haci pa bo haya e productonan cu ta necesario pa sigui cu agricultura na Aruba.
