Ta pronostica cu horcan Maria lo fortalece rapidamente durante e proximo dos dianan y ta apunta na e islanan di Caribe, cu a pasa door di e horcan Irma recientemente. Rapidamente el a fortalece na categoria 5 cu biento di 257 kilometer pa ora.
Den e mainta di dialuna, Maria ya tabata un horcan categoria 2 y oranan despues el a converti den categoria 3. Den atardi, ya tabata tin bientonan di categoria 4 y anochi el a alcansa categoria 5. Segun e Centro Nacional di Horcan, e por yega Puerto Rico como un peligroso ciclon.
“Ta wordo premita un fuerte fortalecimento durante e proximo 48 oranan y ta spera cu Maria lo converti den un horcan peligroso prome cue move riba Isla ‘Riba,” segun e ultimo actualisacion di e Centro nacional di Horcan.
Maria lo ta e prome horcan categoria 4 of mas cual wowo lo toca tera na Puerto Rico den 85 aña.
“Ta probable cu Maria tin un intensidad di categoria 3 of 4 ora cu e move pa e extremo noordoost di mar Caribe,” e centro a bisa den su pronostico.
Maria ta un di e tres tormentanan cu ta agita den Oceano Atlantico, pero e ta representa e mayor peliger pa Caribe, azota pa e horcannan.
“Den e recorido premira, e centro di Maria lo move atrabes di isla Riba dialuna laat anochi y despues riba e extremo noordoost di Mar Caribe diamars durante dia y anochi,” NHC a bisa.
Maria a causa cu nan ta emiti advertencianan di horcan pa Martinique, Guadeloupe, Dominica, St. Kitts, Nevis y Montserrat.
Advertencia di tormenta tropical lo ta vigente pa Antigua y Barbuda, Saba, St. Eustatius y St. Lucia. Normalmente ta emiti un advertencia 36 ora prome cu e prome aparicion anticipa di bientonan di tormenta tropical.
Un alerta di horcan a wordo extendi awo na Puerto Rico y na su islanan Vieques y Culebra. E alerta a wordo emiti pa US Virgin Islands, British Virgin Islands, St. Maarte/Saint Martin, St. Bartholome y Anguila – hopi di nan cualnan a sinti e furia ora cu Irma a supla atrabes di Caribe, matando 44 persona. Un medida asina ta wordo emiti tipicamente 48 ora prome cu e prome aparicion anticipa di bientonan di tormenta tropical.
