Tin un situacion fastioso andando den Meteo, cu a yega te asina leu cu a bin destruccion na aparatonan cu tin di haber cu Meteo su funcionamento. Polis a wordo manda eynan pa atende e caso. Tur cos ta indica cu tin trahadonan cu ta comete esaki, caminda cu nan tin acceso unda e aparato nan ta. Director di Meteo, Marck Oduber, a splica cu nan ta busca di resolve e situacion. A papia cu trahadonan tambe, splica nan e importancia di e trabao cu nan ta haci. Asina ta spera cu e trahadonan ta stop di comete destruccion.
Ta yega un momento cu eventualmente situaciont a sigui. Awor atrobe tabata tin un destruccion basta fastioso na un computer nobo nobo. Ta bira dimas e ora. E ora a tuma contacto cu departamento di recurso humano y despues cu recomendacion di nan, a tuma contacto cu Cuerpo Policial tambe pa bin tuma nota kico a pasa y cuminsa cu un investigacion. No por ta asina cu ta pone aparato pa funciona y despues nan ta wordo destrui.
Kico ta sosodiendo
Oduber a splica cu ora cu cumpra computer nobo, nan ta bin cu un build in camara. Ora cu a cumpre, Oduber mes no tabata sa cu tabata tin un buildin camara. Tabata tin sospecho cu tin trahado ta bisa cu e dienstleiding ta spiona nan cu buildin camara den e computer. Asina e storia a sigui draai. Ta pone sticker riba computer y e ta bira manera un tipo di destruccion. Te cu awo el a bira finalmente un vernieling mes di e aparato. A bira tiki dimas. Precaucion tabata tin. A pone camara di siguridad. Pero door di e situacion di eleccion, a wordo avisa pa kita e camara nan. Despues sigui wak con ta sigui cu e situacion eynan. Door cu no tabata tin un sistema di siguridad e ora cu ta bon pa e propio trahadonan anochi. Si algo pasa, bo por trace bek kico a pasa. Si tabata tin ladronicia den e edificio of un hende ilegal a drenta e edificio di Directie Luchtvaard, por tackle e situacion. Sin esey, den e weerkamer no tin bon controle ta pasa y esey a pasa cu tabata tin e destruccion, cual a bira mas. Mientras tanto tabata tin e workshop den e ultimo 2 siman. Ta bin ta haya computer cu ta wordo daña. No ta manera tampoco pasobra Gobierno tin e recursonan limita. Ta cumpra computer nobo pa trahado, pa por traha cun’e y e ora luga di ta contento cu a haya computer nobo, ta kibra nan tambe.
Con pa tene tur hende contento
A tackle e situacion caba. A busca di papia cu e trahadonan, wak unda cu por tin descontento, pasobra tin biaha hende ta traha mal contento, pesey nan ta cuminsa haci vandalismo. Toch di otro banda no por bay pa haci vandalismo si bo no ta contento den algo. Gobierno tin biaha, cosnan no ta bay 1, 2, 3. E ta tarda. Oduber mes, a splica cu cerca dje mes ta tarda masha aña, pero e no ta subi pista di aeropuerto y kibra cosnan di meteo. Ta tene pasenshi y cosnan ta wordo regla. Pero di otro banda, tur hende cu ta traha eynan, ta hende grandi y nan mester tin respet pa propiedad pa un departamento di Gobierno y vooral aparatonan caro.
Spionahe
Oduber a menciona cu e no ta spiona ningun hende. E no tabata sa mes cu e computernan ta bin cu un camara. Di otro banda tin cu bisa cu si ta bira asina cu tin asina miedo di un computer cu ta bin cu camara. E ora tin cu bay bek cu tecnologianan di 80 y 90, unda cu ta haya un monochrom monitor berde y oranje, e ora nan no ta haya ningun camara. E ora no ta bay dilanti asina.
