Alexandra Perez-Rivas, ta hopi gradicido pa tur esnan cu a yuda su yiu muhe, kende diaranson ultimo tabata envolvi, hunto cun’e, den un accidente na Malmok, unda cu el a perde su pia drechi, y fuera di esey tambe a haya cierto slanan na cabes.
Pero danki na Dios, e mucha a ricibi prome auxilio di un bon samaritano den persona di Sean Whelan, un turista, kende tambe tabata di vakantie na Aruba.
El a percura pa pone e deposito di 15 mil dollar, pa asina e mucha por a bay Puerto Rico pa e ricibi e tratamento adecuado. Na aeropuerto diabierna pa diasabra marduga, Alexandra a wordo ricibi pa prensa local, y a expresa cu Whelan ta un angel di shelo y danki na dje e ta na bida. E mama no tin palabra pa gradici.
E mes ta den recuperacion, mirando cu e tambe a keda herida durante di e accidente. E tin varios hematoma na su curpa, y tambe un di su pianan ta den gips. El a sigui splica cu e pueblo di Puerto Rico por a sinti tur caminda y ta inmensamente gradicidi cu tur su famia, amigonan, na prensa kende a hiba e noticia manera e ta. Tambe e ta gradicido na Aruba, cu a haci lo posibel pa mantene stabil.
E mucha ta un guerero. Den otro palabra awo ta djis warda, pa e recuperacion di e yiu muhe, cu awor aki ta stabil. Dokternan ta hopi positivo cu tur cos lo cana manera mester ta.
