Mama desapareci ta bek

Mira Florez Sanabria, de señora di 54 aña procedente di Aruba, kende tabata perdi for di siman pasa, a wordo haya. Su yiu, kende ta studia na Leiden, a informa Polis cu nan a haya su mama.

E señora ta den bon estado di salud na Amsterdam, un otro yiu a informa. Pero e famia no kier a duna detayes di desaparicion di nan e señora. “Nos no kier duna entrevista ni mas informacion of contesta pregunta,” e yiu a skirbi. “Nos kier pa tur hende respeta nos dolor.”
Den publicacion cu a aparece na Hulanda ta menciona cu e yiu muhe di 24 aña, kende tin un aña studiando na Hulanda, ta esun cu a notifica e desaparicion.

El a bisa cu e mama cu tin tres luna kedando cerca dje, a bay den ciudad pa haci compras, pero no a bolbe. Ora cu el a yama, e yamada a wordo contesta y despues di un silencio cortico, a cera e telefon.
Polis no a considera e caso como un desaparicion urgente y no a cuminsa un accion di buskeda. Si e noticia di desaparicion a haya hopi atencion riba rednan social.