Malta Balashi ta invita henter pueblo di Aruba, pero specialmente nos muchanan, pa atende e Parada di Mucha di Noord y esun grandi di Oranjestad. Malta Balashi t’un producto traha aki mes fo’i e mannan di nos mesun Arubianonan y dedica na e mercado local.
Parada di Noord lo ta diasabra awo, dia 4 di februari, cu un total di seis grupo:
- Centro di Bario Noord Carnival Group
- Carosa TOB
- Candy Dancers
- Scol Basico Ora Ubou
- The Little Stars Carnaval Group
Parada di Oranjestad lo tuma luga diadomingo dia 5 di februari y lo conta cu solamente cuater grupo:
- Champagne Kids
- TOB Kids
- Don Flip
- Centro di Bario Noord
Parada di Mucha San Nicolas lo ta dia 12 di februari y lo conta cu e mesun cuater grupo.
Malta Balashi ta sostene locual ta di nos y ta p’esey ta curasha pueblo di Aruba pa sostene e paradanan di mucha. “Nos ta comprometi pa inverti y contribui den nos cultura”, asina Rowald Werleman a comenta. Ta for di aña 1999 Malta Balashi ta refresca e garganta di tur cu purb’e, specialmente e muchanan.
