Ministerio Publico (OM) y Cuerpo Policial (KPA) di Aruba ta informa cu polis lo rista preventivamente na San Nicolas durante tur actividad Carnavalesco pa posesion ilegal di arma di candela.
Manera anuncia na januari caba pa OM y KPA ta rista preventivamente na actividadnan di Carnaval na Oranjestad tambe riba posesion di arma di candela.
Na San Nicolas lo rista na e siguiente actividad, Jouvert Morning (10 y 11 di februari), Grand Children Parade (12 di februari), Parada di Luz (16 y 17 di februari), Grand Carnival Parade (18 di februari) y e Old Mask Parade (21 y 22 di februari).
Den cuadro di e accion aki polis ta autorisa pa para hende y busca na nan paña, pa pidi pa habri tas y otro container y rista, y pa rista auto y otro vehiculo di transporte riba posesion ilegal di arma di candela.
Polis ta autorisa pa hues-comisario p’esaki riba peticion di Ministerio Publico.
E accion lo bay como lo siguiente:
Durante Jouvert e autorisacion pa rista preventivamente ta cubri:
- di 10 di februari 2023 desde 6:00 pm te 11 di februari 2023 pa 9:00 am.
Durante Grand Children Parade:
- 12 di februari 2023 desde 10:00 an te 8:00 pm.
Durante Parada di Luz:
- di 16 di februari 2023 desde 6:00 pm te 17 di februari 2023 pa 6:00 am.
Durante Grand Carnival Parade:
- 18 februari 2023 desde 10:00 am te mey di anochi
Durante Old Mask Parade:
- riba 21 februari 2023 desde 8:00 am te 22 di februari 2023 pa 2:00 am.
Tur actividad ta trata e asina yama zone 1, 2, 3 en 4:
- Zone 1: Pastoor Hendrikstraat te Theaterstraat.
- Zone 2: B.v.d.Veen Zeppenveldtstraat te Lagoweg
- Zone 3: Louis de Colignystraat te Orinocostraat
- Zone 4: Dr. Schaepmanstraat te Zeewijk.
