Raymond Arends, presidente di Aruba Malmok Runners, ta invita henter pueblo di Aruba pa dia 1 di september, unda cu nan lo tin nan magno evento pa di 9 aña consecutivo, cu nan tin nan careda “Never say you can’t run”, dedica na Betto Maduro.
Pa esnan cu no sa, Betto ta un persona visualmente incapacita. Semper y cu su casa, a motiva tur hende pa core. E ta bisa cu si e por core, tur hende por core. Tur mucha cu nan tin ta train ta 3, 4 aña bay ariba of 70 aña bay ariba.
E careda ta cuminsa pa 6’or di mainta na Fisherman’s Hut. Pa e prome 200 muchanan cu registra, ta 15 florin y pa por participa mester ta activo y hopi saludabel. Pa e muchanan tin 400 meter y 1 kilometer.
Tambe ta bay tin careda di 6 kilometer y 10 kilometer, cual ta 25 florin pa persona. E careda ta sumamente great. Aña pasa tabata tin mas cu 800 participante. E aña aki ta spera pa tin 1000 participante.
Aruba Malmok Runners ta e grupo mas grandi di coredonan cu ta core riba caya. Si bo ta interesa pa practica e deporte di coremento, libremente por bay riba nan pagina di Facebook, Aruba Malmok Runners, manda un mensahe. Nan ta tuma contacto cu bo y add bo den nan chatgroup. Tur dia nan ta core, sea mainta of atardi cu diferente coach pa tur edad.
Tambe Arends a pidi pa bin apoya e muchanan cu ta core dia prome di september, si bo no por participa.
Aruba Malmok Runners ta un grupo sin fin di lucro. Nan ta organisa caredanan pa e amor pa deporte. Si bo kier train cu nan, no ta cobra absolutamente nada. Solamente mester presenta na e training, pa ta activo, saludabel y haci e deporte mas grandi.
Bay riba nan pagina di Facebook, Aruba Malmok Runners, registra pa e careda. Una bes registra, pasa na cualkier di e Nature’s Discount, paga, haya bo bib y bo ta cla pa e careda di dia 1 di september.
Contribucion pa e careda
Arends a splica cu e placa cu nan ta recauda ta specialmente pa e muchanan. Por ehempel luna pasa, mas di 20 mucha a bay Corsou pa careda. A uze tambe pa paga diferente gasto cu e club por tin y pa cumpra material specialmente pa e muchanan.
Muchanan preparando
E muchanan ta preparando y ta train hopi duro. Un di nan Joshua Dabian, a splica cu e ta hopi prepara. E ta train 7 dia pa siman, pa varios ora.
E ta sigui splica cu e ta kere cu e lo gana un medaya.
Un otro hobencita Eliza Barkemeijer a cuminsa prepara. E mes a caba di competi den CARIFTA y awo e ta preparando pa e competencia di Malmok Runners. E mes ta train 6 dia pa siman, dependiendo con su siman bay. E ta kere cu e lo por logra haya un medaya pa e dia aki.
Un palabra di exito ta bay pa e dos hobennan aki y tur otro mucha y hoben y sin laga afo e adultonan cu lo competi den e competencia aki dia 1 di september.
