Play Off Heineken fast pitch dedica na baluartenan Chin Thiel ( q.e.p.d) y e trabuco Wilbert “ Wiwi” Maduro a continua riba veld na Flatstone.
Macuarima Spark Elektra y Spuiters ta hungando un serie di best out of 3 pa mira kende ta continua y kende ta bay cas. Spuiters MIPA a sorprende Macuarima den nan promer wega y a pika ariba 1-0 den e serie. Macuarima Spark Elektra diputando nan uniform nobo color blauw a bin por la goma y ta empata e serie mediante un knock pa asina forsa un wega desisivo.
Macuarima 11 careda, 13 hit, 0 error y ta laga 5 coredor den circulacion. Spuiters MIPA 3 careda, 7 hit, 1 error y ta laga 5 coredor na base. Mihor bateadornan pa Macuarima ta Darl Quandus 3-2 cu 1 rbi, Benjamin Geerman 1-1 cu 1 rbi, Jean Pierre Geerman 4-2 cu 1 rbi y 2 careda anota, Revelino Silie di 3-2 cu un triple cu base yen empuhando 3 careda, Javier Croes 1-1, Patrick Lampe 2-1 y Jermain Ras di 3-3 cu 1 rbi y 3 careda anota.
Pa Spuiters MIPA a destaca den caha di bateo Deyon Peterson 3-2 cu 2 careda anota, Gerald Tromp 2-1 cu 1 rbi, Gilward Wester y Walfredo Wester ambos di 2-1. Carlos Croes ta luci riba monticulo tirando 24 bola, 58 strike pa un total di 82 lansamento propinando 3 ponche y ta regala 1 base por bola pa un ERA di 4.20 seyando e victoria riba su nomber.
Henk Arnold ta bay cas cu e derota. Serie ta empata 1-1 y lo hunga un wega desisivo pa mira kende ta pasa pa e proximo ronda pa enfrenta Balashi Premuim y e ganador ey lo bay final contra Royal Power. Softball a toda maquina.
