Diasabra ultimo, Stichting Tiger Taekwondo Academya organisa e di 3th National Open Championship Jossy Motors 2017 cu a tuma lugar den Centro Deportivo Frans Figaroa. Un total di 3 scol a competi na e campeonato aki cual tabata ta San Nicolas Taekwondo Center, Brazil Taekwondo Stichting y Stichting Tiger Taekwondo Academy. Mester bisa cu e peleanan tabata hopi exitante como tambe emocionante, e publico presente sigur a gosa di cada uno. Tur e atletanan a hasi nan maximo esfuerso pa saca cara y defende e bon nomber di nan scolnan. Mas cu claro tin atleta cu e sobresali mas cu otro riba e dia aki y merecidamente nan a cay den premiacion. Como e miho bringador femenino infantil a resulta Lixjandraa Bello, e miho bringador masculino infantil Zayon Thielman, miho bringador femenino cadet, Pamela Romero, miho bringador masculino cadet, Rasheed Lowe, miho bringador junior a bira Nasip Bislip, emiho bringador adulto Eiber Torres, e miho team a bira Stichting Tiger Taekwondo Academy. Den e ultimo añanan e desaroyo di e deporte di taekwondo na Arubaa conoce un crecimento y sigur un adelanto. Nos atletanan tin hopi potencial y ya caba a desmotra esey den e diferente torneo rond mundo unda nos ta participa. Hasta nos atletanan a cuminsa haya e oportunidad di bringa na e nivel mas halto den taekwondo cual ta e campeonatonan G1. Un danki sigur na Lotto, e Loteria di Aruba pa medio di Comision di Subsidio cu a yuda subsidia e3th National Open Championship Jossy Motors 2017 organisa pa Stichting Tiger Taekwondo Academy.Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
