Riba diamars 8 di augustus, Odelia T. a bira e feliz ganado di 84 mil florin cu Lotto di Dia. Odelia T. a cumpra su 4 combinacion di number pa e sorteo di Lotto Di Dia, y e combinacion di number 01-02-03-05-07 a bin resulta e numbernan ganado pa sorteo di Lotto di Dia.
E la cuminsa hunga e numbernan cu ta combinacion di fechanan di hendenan keri cu ta hasiendo aña. E ticket ganado a wordo bendi na Indio Stewart Lottery Santa Helena y naturalmente cu e ganadora a keda masha contento cu e tremendo premio cu e la gana!
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente wegannan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
