Diahuebs a inicia e prome sesion di informacion organisa pa Fundacion Mi Voz Ta Bo Voz, Comision Nacional di Abuso Sexual di Mucha y Gobierno di Aruba. Lisette Gomes ta presidente tanto di e fundacion como e di e fundacion cu ta cay directamente bou di gobierno.
Locual ta hala masha atencion durante e anochi aki ta cu ningun minister ni di MEP y tampoco di RAIZ a presenta pa duna reconocimento y balora e trabou di e fundacion y comision. Gomes a comenta cu el a invita nan pero ta debi na otro compromiso, ta imagina cu ta p’esey nan no a presenta.
E idea di e presentacionnan aki ta pa informa e comunidad riba e parti di prevencion. A conta cu presenta di diferente profesional durante e anochi. Gomes a comenta cu no ta prome biaha cu ta organisa tipo di charla asina. E ta pa purba evita mas caso. Ta parce cu ainda na Aruba e tema di abuso sexual di mucha ta un tema cu no sa papia di dje.
Tin diferente instancia cu ta atende cu e topico aki, incluyendo Fundacion Mi Voz ta Bo Voz. Pa locual ta e comision nacional, kende a cuminsa na 2020 a cuminsa cu un grupo grandi y apenas tin tres funcionario a keda den e comision. Nan ta duna diferente conseho na gobierno.
“E castigo t’ey caba”, mayoria biaha den caso di abuso sexual di mucha ta delicado, hopi biaha e victima no ta papia di biaha, ta despues di algun aña ta papia di e caso y esey ta e parti negativo mirando e no ta den setentidos ora cu tin pa atende cu e abusado. Locual tambe a resalta ta e sala bashi, por a conta cu menos di diescinco persona cu a atende di e charla, pa cual mayoria t’e propio presentadonan, e miembronan di comision y profesional. Gomes ta invita henter e pueblo di Aruba pa asisti n’e proximo charlanan kende lo tuma luga den diferente districto.
