Riba diabierna 22 di maart, 2024, a tuma luga e di cinco edicion di e ronda preliminar di Aruba su concurso nacional di Rekisitorio di Ministerio Publico. Esaki a tuma luga den cooperacion cu Corte di Prome Instancia di Aruba y Ministerio Publico.
Cinco studiante a hinca nan mes den curpa di un fiscal den un caso penal di berdad, basa riba un dossier penal existente y a haci nan rekisitorio dilanti hues mr. Engelbrecht. Mr. Chairisse Edwards a presenta den e rol di abogado.
E cinco candidatonan tabata:
Xavier Boekhoudt (bachelor 3),
Lianne Candelaria (bachelor 2),
Aaron Croes (bachelor 2),
Gisele Sint Jago (master)
Roxanne Wernet (bachelor 3).
E docentenan mr. Geert Hatzman y mr. Dr. Ruth Bonnevalle-Kok a entrena e studiantenan. E hurado tabata consisti di fiscal mr. Van der Biezen, hues mr. Engelbrecht y docente mr. Abida Abarkan.
Tur cinco candidato a duna un tremendo presentacion. E ganado na final a resulta e studiante di e segundo aña di derecho Lianne Candelaria.
Lianne lo representa Universidad di Aruba dia 19 di april, 2024, durante e “OM Nationale Requireerwedstrijd” na Palacio di Husticia na Amsterdam.
Facultad di Derecho ta orguyoso di su studiantenan y ta desea Lianne tur clase di exito.