Apenas 2018 a habri,i dia 17 awor Lecho23 ta saka su di 2 videoclip komo solista. Ta trata aki di Highkey, produsí pa Kilate ku kompañamentu di Broertje di Green Gang.
Lecho 23 ta konosí komo integrante di e grupo ya legendario Tony Montana Music ku a saka e hit internashonal “Bala”. Lecho23 a bai Hulanda pa bai studia i p’esei temporalmente el a distansiá for di e mundu musikal, pero ku un bon motibu. Awor Lecho23 ta di regreso e resientemente el a saka su promé Music video na Hulandes titulá “BARKI”. Den e produkshon aki e ta kompañá pa Kilate (Tony Montana Music) i Lexxxus.
Ku e single aki Lecho23 ta debutá den e esenario musikal Europeo ku un estilo mas ekstenso produsiendo músika na diferente idioma, banda di Papiamentu. Esei a bira realidat ku yudansa di su kas di disko internashonal “Aces Music” i Sorry Records establesé na Amsterdam, Hulanda.
Den kuminsamentu di e aña aki Lecho23 lo lansa su promé EP (Extended Play) komo solista titulá “Pin Pas”. Produkshon di e EP aki ta tuma lugá den koperashon estrecho ku vários artista i grupo musikal konosí na Hulanda.
Ya e vrumvrum ta skeiru ku e grupo di party “WoofGang” lo trese un party mix tape riba merkado na inisio di verano 2018 ku lo lanta tur hende for di soño. Pues, por spera mas produkshon interesante di Lecho23 i WoofGang.
Pa mas informashon por sigui Lecho23 riba Instagram.
#Lecho23
#woofgangofficial
[email protected]
