E falta di respet y moral di parti di hendenan descabeya no ta caba. E biaha aki nan a dicidi di kita coriente di Grot di Lourdes ora cu a subi varios palo di luz di Elmar y corta tur e kabelnan bay cu nan, y sin tene cuenta di e voltahe halto cu tin ta core den nan. Ta hendenan, cu segun conocemento di hopi, sa kico nan ta haci, pasobra no ta ken cu ta por yega corta waya di coriente.
Mientras tanto, e coriente a wordo restaura, y Grot di Lourdes tin su coriente bek. Pero no ta descarta cu esaki no lo keda sin ripiti. Segun informacionnan cu 24ora.com a ricibi for di algun trahado di Elmar, e wayanan cu tabata tin colga na e palonan, ta wayanan relativamente nobo y cu no ta mucho tempo pasa ya caba tabata tin hortamento di e wayanan aki den e mesun vecindario aki, cu sigur a crea un disgusto cerca hopi hende. Esaki sigur no a kita e
devocion cu e bishitantenan di e grot tin, aunke cu, pa hopi, scuridad no ta derota e claridad.
