Awe diabierna for di 9:00am Corte a cuminsa cu tratamento di e caso lamentabel di asesinato na Wayaca. E acusado Chines, Po Sin F. ta nenga envolvimento den e caso. Solamente el a duna su empleado lift y kende despues a confesa na dje kico a pasa. Pa miedo el a keda keto y no a bay Polis. 
Jefferdin E., ta bisa el a bay na e cas pa comete un atraco cu a sali for di man. Dado momento e señora a cer’e pafo di e cas y e kier a huy pero tabatin mester di su tas cu a keda paden. “Mi a mik tira riba man di e porta. Mi no sa con e bala a alcansa e señora (Shasha) na su cabez.” E ta adimiti su rol pero cu el a actua riba instruccion di Po Sin, kende tabatin mester placa pa paga invoerrechten y saca container cu material.
“Pa nos e ta manera un pelicula di teror cu nunca nos lo lubida y pio paso ta un famia a planea esaki. Pesey nos como famia ta pidi Hues impone e castigo maximo cu ley ta permiti, ” un familiar di e victima a trece dilanti. Pa 2:00pm Fiscal a cuminsa cu su rekisitorio.
