E no por ta otro cu a comete e kiebro durante oraro di toque de queda ya cu un dia prome no tabatin ningun acto di vandalismo cometi na Fontein Kleuter School.
Segun por a compronde, ayera tardi laat pa anochi ainda a mira cu tur cos tabata na ordo. Awe den oranan di mainta, despues di toque de queda, e werkster a yega y constata cu un of mas persona a kibra glas di porta y a kibra e baranan di hero pa protege e porta for di ladronnan. E directora Snoja Goedhoop tabata na e sitio pa tuma nota di e sucedido.
No solamente e glas a keda plama tur den e oficina, pero e hendenan a drenta e luga y a spart tur papel rond, pero no a bay cu algo. Ta manera cu tabata simplemente un acto di vandalismo, net momento cu edificionan di enseñansa no mester di daño, ya cu na momento cu lesnan cuminsa, mester di tur espacio y material necesario.
E hecho aki ta mustra hustamente un acto di vandalismo. Ta haci un apelacion na mayornan pa tira bista riba loke bo yiunan ta haci den e temponan dificil aki, pa no perhudica ningun hende.
