Tin hopi noticia negativo relaciona cu e situacion di Covid-19, pero memey di nan, tin varios noticia positivo.
Jorge Albornos ta un di e turistanan Argentino cu a keda pega na Aruba hunto cu su casa y su yiu muhe di 3 aña. Nan no por bula bay bek nan pais. Pero tin un bon noticia. El a haya un hopi bon cooperacion di parti di Holiday Inn.
Apesar di e situacion fastioso cu e y su famia ta aden, Jorge ta conta cu mescos cu e grupo di su paisanonan, pega na Aruba, el a purba den varios ocasion pa yega su pais door di bay aeropuerto tur dia.
Den e caso aki, e ta gradici tur hende aki na Aruba, debi na e vulnerabilidad cu e tin door di su yiu, vooral e hotel, cu a brinda hospedahe na e famia. Ta un ayudo extraordinario. No tin palabra di gradicimento pa nan, el a splica.
Na e momentonan aki ta dificil pa e famia yega cas y nan no sa ki dia nan por bolbe. E kier a bolbe probecha di e oportunidad pa gradici tur hende na Aruba y principalmente personal di e hotel.
E bunita di esaki ta cu nan por keda te ora cu nan situacion drecha. Gerencia a mira e desesperacion di e tata di famia aki y cu e no tabata tin ningun caminda pa bay. Jorge tabata tin e sensacion cu e lo a bay keda riba caya. Tambe e situacion financiero cu si no tin medio, no por paga pa estadia. E ta un situacion dificil.
E hotel a solidarisa y a compronde e situacion cu awe e famia aki tin un luga di keda.
