Na Piedra Plat tin un ladron basta activo moviendo den oranan di anochi/marduga, kibrando diferente auto. E auto aki mes ta un di esunnan cu a wordo kibra na Piedra Plat.
Esaki tabata diamars den oranan di mainta, cu presencia di polis a wordo pidi. Aki a kibra glas di auto, habri e porta y asina los e radio di e auto y bay cun’e.
Ainda polis no a topa cu e ladron aki cu ta basta activo den Piedra Plat. Dos diferente dia tras di otro, polis mester a duna asistencia di kiebro di auto riba e caminda di Piedra Plat pa Paradera, pa un ladron cu ta causando basta molester pa e doñonan di auto cu ta biba riba e ruta aki.
