Ladron di brommer na Meiveld biba na Sero Patrishi

Diadomingo atardi doñonan di brommer a sali busca nan brommer cu net a caba di ser horta. Ladronnan biba na Sero Patrishi a bay horta dos brommer Pulsar na Meiveld. Un familiar a yama e otro bise cu e brommernan no ta den cura. Mesora el a core yega cas. Hunto cu otro familiar nan a sali direccion di e proyecto y contruccion di Watty Vos Boulevard. A coy e area cu ta bay Sero Patrishi. A pasa puntra bisiñanan si a mira algo.

Nan a bisa cu nan a mira tres hoben cu brommer pasa den e mondi direccion pariba. E doñonan di brommer a sigui bay direccion indica y ta bin topa cu e ladronnan di brommer den accion. Net nan ta marando un brommer pa asina tow esaki cu otro brommer di nan mes pa bay Sero Patrishi. Ta dos brommer a ser horta y uno tabata tin su yabi pega na dje. E dos brommernan aki e ladronnan biba na Sero Patrishi a coy den cura di hende. Ora cu e ladronnan a mira cu nan a ser atrapa riba caminda a purba core.

E doñonan tin basta condicion y a bay nan tras. A logra gara uno cu tabata suficiente pa e basha abou y menciona ken ta e otro dos ladronnan. Tambe a keda atras e dos brommernan horta y un brommer di e ladronnan cu tambe probablemente a ser horta den pasado. Polisnan a ser avisa y nan a yega. A bay den accion mesora y core bay den e mondi pa yega unda e ladron tabata wanta. Banda di e brommernan a pone na boei benta riba vloer. A confisca tres brommer y hiba e ladron warda pa e sigui duna declaracion. Aki por mira cu esnan cu ta doño mes a sali pa nan cos mesora y ta duna resultado tambe. Pronto lo coy e otro dos ladronnan tambe.