Un di e tareanan di DTI, Dienste Technishe Inspectie, ta pa controla e aspecto di siguridad na pia di trabou. Pero e doño di trabou of doño di un compania mester percura pa tin tur hermentnan necesario pa siguridad di su hendenan.
Companianan di seguro ta exigi esaki tambe. P’esey ora cu personal di DTI yega na un sitio ta mira cu tin e aparatonan y tin e documentonan di keuring. Ta trata di ba un tiki mas leu, esta no solamente di mira cu nan tin e aparatonan, pero tambe cu nan ta funciona y cu e hendenan sa con pa traha cu e aparatonan of e materialnan cu ta wordo exigi. Pues mester organisa sesionnan di entrenamento. E otro parti di control describi ta keda na Brandweer pa controla esaki.
DTI ta traha cu un checklist di loke DTI normalmente ta controla na sitionan di trabou. Eseynan sinembargo no ta e unico cosnan cu nan ta controla. Director di e compania Anko Koopmans a bisa cu si nan constata cu algo no ta bon, lo informa e doño di trabou tambe riba eskai y kico e mester haci pa drecha e situacion.
Tur compania por busca e checklist di siguridad na Departamento di Inspeccion Tecnico y e aparato of hermentnan di siguridad ta cosnan cu e doñonan di trabou por cumpra na e companianan concerni. Pero ta conseha pa busc esaki na un luga cu por brinda servicio y ta bende e piezanan di reemplaso. P’esey ta bon pa usca marcanan remarca cu por duna un bon servicio enbes di algo barato cu por lagabo cu dolor di cabes.
