La Salle College tabata preparando 2 siman largo pa un festival. Prome a pensa pa haci un eleccion di reina, pero toch a prefera di bay pa un Soca Contest. Segun Lizaira Ponson, docente di CKV, e muchanan ta hay’e leuk y a opta pa sigui cu e organisacion.
El a comenta cu debi cu e mes ta hinca den e parti creativo, e ora a dicidi pa hinca e musica aden. A dicidi pa haci nan evento pa baile y canto.
Ponson a splica cu e ta algo otro pa e alumnonan. Como docente, Ponson ta splica cu e ta algo sano, na luga di ta riba caya. E ta algo otro. Nan a yega di haci mas evento, pero na un otro manera. Nan sa haci’e afo, pero e biaha aki nan a scoge pa haci’e na scol, dorn’e un tiki y laga e muchanan bin manera cu nan kier, pero toch netjes. Pasobra esey ta loke nan kier tambe, pa e muchanan ta netjes.
Ganado di Soca Contest di scol
Nicole Arango di klas 3B a drecha tur cos den un siman, baile, a busca disfras, a busca hende pa make up, etc. E mester a bin cu baile pa e cantica cu el a presenta y mester a keda train e cantica basta hopi, pero tur cos a sali hopi bon.
E mes no a spera cu el a gana. E ta gradici tur hende cu a yud’e pa logra gana e contest.
Nicole ta haya e actividad hopi bin y ta spera cu por haci un actividad asina of hopi mas miho. E ta spera cu tur alumno uni hopi cu otro. Ta un momento hopi importante pa e muchanan di scol.
