Kòrsou mester balorá su naturalesa pa kombatí kambio di klima

Ana Gabriel cu Fun Miles
Arubadag Adzone 1
RBC Mortgage Switch Campaign 2019
Hyundai Creta
RBC Mortgage Prequal Campaign 2019

Parlamentario pa partido PAR, sra. Gisette Seferina, ta preokupá pa nos Naturalesa ku ta den deterioro pa motibu ku nos pueblo no ta dun’é e balor meresí. I kambio di klima lo hasi e situashon pió.

Red Fish Lunch Special Feb 2019
Full Moon Viewing at California Lighthouse – Square
Colonel’s Catch Special
Arubadag Adzone 4
Ta Huur Apartamento
Bende Bo Cas
MotorWorld JAc
Banner Rav 4

Komo defensor di naturalesa sra. Seferina ta keda trese konsientisashon riba e tópiko aki konstantemente.Islanan tantu den oséano pasífiko pero tambe den oséano atlántiko ta konfrontando problema ku kalentamentu di mundu i kambio di klima.

Tin vários pais den problema hopi grandi, pa motibu ku nos komo rasa humano a despresiá i balotá e impakto severo i destruktivo ku nos aktividatnan tin riba e planeta aki. Nos ta mira kon otro paisnan ta tuma prekoushon pa atendé ku e impakto di kambio di klima espesialmente na kostanan.

Tin moveshonnan migratorio masal aktualmente riba nos planeta, mas bien pa motibu di guera i konflikto polítiko o pa motibu ku no tin sufisiente oportunidat di empleo pa por supli e nesesidatnan básiko pa un bibá digno.  Pero si nos no kambia nos komportashon iresponsabel pa ku naturalesa, i nos sigui ignorá kambio di klima, esaki lo bira un motibu adishonal pa desplasamentu di pueblonan kompleto. “Pero danki Dios ku un bèl a rin na Sürnam kaminda resientemente miembronan di e komishon fiho di salú, medioambiente i naturalesa den Parlamento a hasi un bishita di trabou, ku nos tei awe den Parlamento pa debatí riba e reto formidabel aki,” asina Seferina a deklará.

Kambio di klima ta zona manera e ta leu for di nos kurpa, pero ya kaba nos por sinti su efekto. Wak kon awa ta kai straño tin biaha, òf kon ta seku i kalor asina den temporada den kua ta basta awa sa kai. Nos biodiversidat, nos flora i founa ta den problema serio, anto nos ta bisa “ya, ta asina mundu ta”.  Si, ta bèrdat mundu ta asina: mundu ta un sistema será, loke ta den dje ta keda den dje. I komo rasa humano nos ta kousa daño asina grandi ku nos no por koregí mas.

E kambio di klima ta konsekuensia negativo di komportashon di e ser humano ku ta atendé robes ku e naturalesa ku no ta nos no a trah’é. Nos a haña komo regalo di Ser Supremo un kantidat di rekurso paketá den un mundu blou ku ta proveé hopi servisio balioso. Naturalesa bal sèn, i nos por tradusié den término finansiero i ekonómiko ku nos komo ser humano no por añadí na dje. Un pais ku no ta komprondé esaki ta destiná pa disparsé. Nos ta preferá pa basha betòn, traha hotèl na lep di laman i no proteh’é, paso segun nos esei ta hala turista. Pero awendia gran mayoria di turista ta preferá di kombibí den naturalesa; loke ta yama eko turismo. Niun hende no ta interesá pa wak betòn mas, sigur no na paisnan chikitu kaminda e rekurso mas balioso ku nos tin ta nos naturalesa.

Sra. Seferina ta konkluí apelando na Pueblo di Kòrsou pa nos balorá nos naturalesa pa asina nos bira mas konsiente, pa nos aportá na kombatimentu di kambio di klima mundial i di e forma ei tambe na nos propio bienestar.

Comments

comments

Island Finance – Home improvement