Delegashonnan den Reino, Kòrsou, Hulanda i St. Maarten a bai di akuerdo ku nan ta bai traha mas estrecho ku otro den kuadro di UNESCO.
Esaki a bin dilanti durante un enkuentro entre e tres paisnan ku a tuma lugá djabièrne último na Paris.
Un di e áreanan ta pa entre otro traha riba interkambio entre e asina yamá skolnan di UNESCO, kaminda e skolnan interesá pa bira un Skol di UNESCO por implementá programanan speshal dirigí riba hóbennan. Esaki por ta e programa Herensia Kultural den man di hóbennan i tambe pone atenshon riba dianan internashonal ku e organisashon aki ta kordiná.
