Despues di un trayecto largo awe por bisa cu “el a logra.” Awe tardi Kiala Kock a defende su scriptie den e Aula na Universidad di Aruba. Despues di un rato a anuncia cu el a slaag pa su ‘Master of Laws’ den fiscaal recht. Tabata un atardi hopi ameno yena di emocion.
Cadochi Kock ta tata di mr. Kiala Kock, durante un entrevista el a conta cu p’e mes como tata ta un momento hopi special. E trayecto di Kiala tabata uno largo, despues di a caba Colegio Arubano, el a asisti Universidad di Aruba pa un aña. El a sigui su estudio na Corsou caminda el a termina su HBO.
El a bin bek Aruba y a traha algun aña, a tuma decision cu lo sigui cu su master. Awo Aruba ta conta cu un profesional mas riba e tereno financiero.
Su amiga Josephine Dirksz a conta cu ta for di chikito el a bay scol cu Kiala. A bay kleuter, basis, voorgezet y djey a bay studia hunto cu ne na Corsou. A dese’e tur clase di exito den futuro y den su trabou como profesional.
