Ta manera e ministernan y parlamentarionan di e gobierno aki a perde “gevoel’ cu gastamento di placa di pueblo,nan ta manera un mucha chikito. Mas bo bis’e pa e no haci algo, e ta mustra bo cu e ta hacie toch. Asina e gobierno aki ta keda haci y mas placa di pueblo ta bay na fiestamento.
E biaha aki gobierno di Aruba a traves di su prins mr. Ady Thijzen na Hulanda a bay over na huur “un kasteel”aya na madre patria pa pone un fiesta grandi y asina malgastamento di placa por sigui. Y aki na Aruba nos mester a scucha poco dia pasa na un programa na radio cu mas di 800 mucha tin e necesidad pa por haya desayuno na school y gobierno ta keda gaba tur dia cu nan tin surplus. Esaki ta un crimen di marca mayor ,ora bo ta gaba cu surplus y cu bo tin placa di mas y nos muchanan mester depende di un fundacion pa por haya desayuno na school. Con ta permiti algo asina na Aruba?nos ta hayando miyones di florin na entrada di turismo y nos muchanan pasando den necesidad pa haya un desayuno?.Ta mescos cu un tata di famia ta gaba cu e tin placa den su cartera ,pero no ta duna su yiunan di come ,pero ta gasta e placa na bar of fiestamento. Asina aki e gobierno ta manehando e pueblo aki, surplus pa nan famia y amigonan,y nada pa pueblo,nada pa nos muchanan. Tampoco nada di ley cu mester a pasa den seis minuut.
Lider di AVP, mr. Mike Eman y hunto cu AVP semper a boga y lo keda boga pa nos pueblo tin un miho bida y sigur un miho porvenir pa nos muchanan y mi ta kere door di esey , ultimo dianan nos por a tuma nota di atakenan di diferente parlamentarionan di MEP ariba nos lider mr. Mike Eman, cu ta drentando pueblo y mayoria di pueblo su curason ta anhelando pa nos lider y AVP bolbe guia e pais aki un biaha mas. E cariño di pueblo pa mr. Mike Eman ta birando dia pa dia mas grandi y panico a cuminsa drenta partido MEP y cierto parlamentarionan ariba instruccion di esunnan den Cocolishi, a cuminsa cu nan atakenan personal. Tin un parlamentario di MEP cu a yama lider di AVP pa “lidercito”,ki hilaridad. Pasobra tur e parlamentarionan di MEP hunto , no ta yega e cantidad di voto cu e lider, mr. Mike Eman tin, cu ta casi 7000 voto.
Tin e presidente di parlamento cu a yama e lider di AVP pa BOA, ta comprendibel cu e ta bisa esey y e la haya miedo,pasobra galiña ta wordo comi pa BOA,y ta pone nos corda un galiña dilanti TOP FM buscando firma pa votacion pa parlamento Europeo a bay laga tent atras na careda, otro parlamentario cu su tata” Minister di Orea” a traha cas pa su ruman por a biba” pornada “den parke Jaburibari ariba custia di placa di pueblo. Anto sin lubida esun cu a yama nos lider pa lidercito,unda e si tabata un lider di dos otro parlamentarionan cu a keda hunto den un camber di hotel na Hulanda, ta keda pasa mesun habon pa otro, pa asina nan por spaar mas placa (daggeld vergoeding) di pueblo pa nan por a hinca den nan saco.
Partido AVP un biaha mas ta haci un apelacion ariba Partido MEP y RAIZ, pa stop cu gastamento di placa di pueblo, stop cu biahamento pa loco y duna nos pueblo y nos muchanan loke nan tin derecho ariba dje.
Palabra di elogio pa e fundacion cu amor ta purba di zorg pa mas di 800 mucha haya nan desayuno na scol. Cu Dios bendiciona nan cu e bon trabou. Pero ta keda un deber sagrado di gobierno na prome luga pa cuido di nos muchanan ,y ta derecho di tur mucha esaki ta. Gobierno lo por cumpli cu su deber, si Gobierno y parlamentarionan cu ta sostene coalicion, stop cu gastamento di placa di pueblo den biahenan rond mundo sin logra nada pa e pais aki.
Pone man na boso curason y pone nos pueblo y nos muchanan central di berdad.
