Dangui Oduber ta Minister di Turismo y den e ultimo temponan por a ripara hopi promocion tumando luga pa atrae mas turista.
Representante di Headlines Group, cas editorial di 24ora.com y bo matutino TREMPAN, a puntra e mandatario tocando e cantidad di sushi cu ta acumulando y hopi biaha esaki ta tambe den e areanan cu e turistanan ta frecuenta mas. Ta parce cu no tin maneho delinea tin con pa ‘tackle’ e problematica di sushi aki, riba cual e mandatario a indica cu su colega Arends ta haciendo su maximo esfuerso pa trece un solucion p’e problematica aki.
Pero di otro banda, Ministerio di Turismo, por medio di e fondo di TPF, tin dies ploeg contrata cu tin e tarea principal e mantencion di e area di costa limpi y ta bou di supervision di DOW. Tambe tin palabracion haci cu DOW y Serlimar, pa den e areanan cu no ta cubri pa TPF pa haci e intentonan pa Aruba ta limpi pa nos mes. Esey ta e di parti di Gobierno, pa tin un pais limpi pa nos propio ciudadanonan, ya cu un pais sushi ta un mal refleho riba di nos como pais.
Pa mas lesa TREMPAN.
