Jorien Wuite di fraccion D66 den Tweede Kamer na Hulanda ta di bishita na Aruba y a atende un reunion na Parlamento. Durante un entrevista el a comenta cu despues di 1 aña y mey el a regresa y e no por describi con importante e ta pa bishita e islanan di un manera regular cu tempo y trankilidad pa haya sa tocante e desaroyonan. Wuite a menciona cu, ademas di combersa cu e miembronan di Parlamento, tambe ta importante pa combersa cu otronan manera e comision di Koninkrijksrelaties. Durante combersacion cu e comision a haya sa tocante cierto desaroyo.
Dia 25 di januari lo trata e Plan di Reforma den Tweede Kamer na Hulanda y p’esey ta importante pa tende for di e diferente fraccionnan p’asina haya sa kico nan ta pensa tocante e tema aki. Wuite a cuminsa cu un nota di iniciativa caminda lo trata e topico di sosten economico y resistencia cu enfoke riba enseñansa y ta pa esey ta importante pa averigua si e ta un bon topico. Tambe e tin interes pa sa cua ta e consehonan cu e mes por tuma y bay cu ne pa presenta den Tweede Kamer.
