“Serlimar ta facilita bari na tur evento di carnaval den e areanan publico y ta recoge y haci limpiesa na final di cada evento. Tur bari ta propiedad di Serlimar”, asina e compania nacional di recogemento di sushi a anuncia ayera riba nan pagina di Facebook.
Mas leu nan a bisa di a tuma nota cu ayera a horta bari di Serlimar na e Eleccion di Prins y Pancho cu a tuma luga riba Plaza Betico Croes. Pues si bay cu un bari di Serlimar, tene na cuenta cu ta considera esaki un acto di ladronicia y a haci denuncia na polis.
“Nos kier sigui brinda un bon servicio durante e temporada di Carnaval y nos mester di tur nos barinan bek na final di cada actividad”, asina Serlimar ta suplica comunidad.
