Durante un encuentro ameno na Post Aruba NV, coleganan y famia a bini hunto pa celebra 10 aña di servicio di Jeanille Tromp.
Jeanille a drenta servicio di Post Aruba riba 1 di september 2008 como Loket Medewerker. Durante e añanan el a sa di demostra su capacidad y cualidadnan y desde 1 di oktober 2015 a haya e funcion di Supervisor Loketten.
Jeanille ta hopi proactivo, dinamico y corecto den su trabou. Su coleganan ta wak hopi potencial de dje y ta premira cu si e sigui cu e mesun dedicacion e lo por yega hopi leu den su trabou y den su mesun bida.
Jeanille a duna su palabranan di gradicimento na su mama, ruman y yiunan kendenan semper a brinde tur sosten y na su coleganan for di cualnan e la siña hopi y cu a yude crese tanto den su area profesional y como ser humano.
Post Aruba N.V. ta gradici Jeanille pa su 10 aña di servicio y ta desee hopi exito den futuro.
Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.
