Na corte e abogadonan a sali despues di a papia cu diferente testigo p’e caso di Avestruz. Jan de Ruijter ta un di e testigonan y tabata presente na Corte di Prome Instancia pa asina duna su declaracion.
De Ruijter a splica cu a yama su persona pa tabata presente na corte pa 8:00 am. E ta haya cu sesion tabata uno agradabel y tabatin un abogado. E ta corda di un publicacion di Diario indicando cu lo presenta hopi abogado pa puntra si de Ruijter su keho tabata algo sensacional. Pero esey no tabata e caso, y e personal di Corte tabata amabel.
De Ruijter no por a bisa kico tur a puntr’e, pero e preguntanan tabata facil. El a sigui splica cu a puntr’e si e ta para p’e declaracion entrega, pero a puntr’e tambe dos pa tres cos cu tabata duidelijk den su keho. Segun de Ruijter, e tabata duidelijk cu e proceduranan tabata cortico, pasobra e no tabata mag di prepara su mes y esey ta algo cu el a siña awe. A bisa esey na su persona, pero e no tabata esey prome cu como testigo no mag prepara. Esey tabata significa cu e testigo no por a lesa declaracion bieu.
Riba su mes el a haci e keho, incluso su mes a skirbi e keho. Ningun persona a mand’e hacie. E denuncia cu el a haci tabata di parti Stichting Nos Aruba. E fundacion tin un directiva y nan mes a tuma e iniciativa pa entrega un keho. Den henter e asunto aki, segun de Ruijter, partido MEP no a hunga un rol.
Pa lesa mas subi TREMPAN.
