Diamars anochi tabatin un encuentro social como despedida di oficial di Erwin Arkenbout for di su funcion como representante di Hulanda pa Aruba, Corsou y St. Maarten. Esaki a tuma luga na Quinta del Carmen na Bubali y a conta cu presencia di Su Excelencia Gobernador Alfonso Boekhoudt, mayoria di e ministernan di Gabinete Wever-Croes, parlamentarionan y tambe representantenan di sectornan comercial y semi publico.
Den entrevista cu 24ora.com, Arkenbout a expresa di ta sinti sumamente gradici pa e funcion fantástico cu a permitie di comparti cu e comuniad di Aruba, di e cosnan cu el a haci hunto cu su ekipo di trabou.
Su tras, e funcionario Hulandes a admiti cu e relacion entre Aruba y Hulanda ta uno complica y compleho, pero cu afortunadamente a logra mantene bon na vista pa alcansa solucionnan.
Pa e relato completo, lesa TREMPAN