Segun expertonan, coronavirus lo ta mundo pa basta tempo. Mientrastanto tin sigur 270 mil morto y mas cu 4 miyon persona infecta. E presion riba China pa realisa un investigacion independiente riba con coronavirus a cuminsa, ta aumentando.
No ta haya coronavirus solamente den speeksel y slijm, pero tambe a hay’e den sperma. Esaki ta resultado di un investigacion haci door di investigadonan Chines y publica den JAMA Network Open. Un team di e hospital municipa di Shangui a investiga 38 homber durante e punto top di e pandemia na januari y februari.
Cerca 16% di e hombernan a haya e virus den nan sperma. Un kwart di nan tabata den un fase hopi serio di e malesa, y 9 porciente tabata recuperando. “Nos a constata SARS-CoV-2 den sperma di e pashentnan cu coronavirus, como tambe den e pashentnan cu tabata den recuperacion,” segun e investigado Diangeng Li. Segun e ta bisa, e virus por keda existi den e testiculonan.
No ta prome biaha cu a haya un virus den sperma. Esaki tabata e caso tambe cu Ebola y Zika. Investigadonan te ainda no por bisa cu siguransa si por transmiti coronavirus sexualmente. Esey ta bou investigacion ainda. “Si keda proba cu SARS-CoV-2 ta sexualmente transmitibel, sex ta un bira un parti esencial pa prevencion. Abstencion of uzo di condoom por uza como un forma di prevencion pa e pashentnan aki.”
