Minister di husticia Andin Bikker durante conferencia di gobierno a menciona cu lo bay bin cu e plan integral y tambe introduci BOA’s. E leynan di Aruba, hopi biaha, tur bijzonder verordening bin cun’e, ta pone cu KPA mester implimenta e leynan aki. KPA tin asina tanto cos di haci cu e no por implimenta tur ley. Siman pasa ta firma un acuerdo pa institui un taskforce, caminda cu e taskforce aki ta bay tin e tarea specifico di basicamente implimenta e bijzonder verordeningenan aki. Hinderverordening, ley di tas di plastic, ley di proteccion di derechonan di animal, etc. Esey ta pone e ora cu Cuerpo Policial, por dedica su mes na dedica na High Impact Crimes, embes cu cada biaha un persona haya un saco di plastic of di papel. E tareanan aki ta bay mas tanto over pa un taskforce special, cu mas opsporrings ambtenaar lo wordo nombra, pa nan por implimenta e leynan aki.

Nos no mester lubida cu tin tambe ondermijnende criminaliteit. Crimindalidad cu ta mina e aspecto di un estado di derecho.

 

Corupcion

Ora cu tin na gran escala corupcion ta tuma luga, y no ta wordo atendi cun’e. A tuma nota di por ehempel di e caso di ex minister Paul Croes, cu ta un di e ehempelnan cu ora cu riba gran escala ta bin cierto sospechonan, cu bo ta haya e ora como estado di derecho, mester percura cu no solamente e homber chikito cu ta comete un eror, ta wordo persigui penalmente. Pero tambe esnan cu ta falta respet na nos leynan.

E caso di sr. Paul Croes, pa loke ta trata e retonan di gobernacion, a causa hopi daño na diferente persona cu awor aki inhustamente ta wardando riba permiso, pasobra cu e persona aki a bay over na bruha full e sistema cu tin biaha bo no tin bista y cu basicamente husto ta paga pa pecador. Ta un di e retonan cu ta enfrentando den e gobernacion aki.

 

Plan di casi 20 pagina

Basicamente, loke e minister kier a ilustra ta cu tin un plan di casi 20 pagina di maneho, algo cu den 8 aña cu e tabata den parlamento a puntre pe, nunca e ex minister di husticia por a presenta. Bikker den apenas algun siman, a presente y a implimente. A bay parlamento dos biaha, present’e, sr. Dowers no tabata tey. Awo si no ta bin trabao, e ora ta con bo por sa si tin un plan si of no. Y ta bay den prensa y declara cu no tin un plan. E lo a bruha cu su mes.

E minister a bolbe presenta e plan aki y ta conseha sr. Dowers, pa e bay parlamento ora cu e tey y tuma nota di e desaroyonan riba esaki.