Diasabra 23 di november Fundacion Parke Nacional Aruba (FPNA) ta invita comunidad di Aruba pa presencia e Nochi di Pelicula na Parke Arikok.

FPNA ta presenta su ultimo Nochi di Pelicula pa aña 2019, esaki ta wordo organisa pa concientisa y educa comunidad di Aruba riba diferente topico global relaciona cu conservacion di naturalesa. Un comunidad conecta cu naturalesa ta mas conciente di su impacto y tambe ta para pa defende nos medio ambiente.

Diasabra 23 di november pa 7.30 PM lo pasa dos episodio di e documentario “Nature’s Great Events” di BBC. E prome episodio “The Great Melt” ta elabora di e impacto cu cambio climatico tin pa diferente especie rond mundo y e presion pa nan sobrevivencia. E Segundo episodio “The Great Salmon Run” ta elabora riba e trayecto cu salmou ta pasa aden pa asina yega na e sitio caminda cu nan a nace unda cu e lo pone su webonan.

FPNA ta extende un invitacion na e comunidad di Aruba pa asisti na e Nochi di Pelicula na nos Centro di Bishitante y asina aprecia nos naturalesa y sinti inspira pa yuda na conserva esaki. E Nochi di Pelicula ta completamente gratis cu posibildad pa cumpra algo di come y di bebe. Pa mas informacion por yama na 585 1234 of bishita nos pagina di facebook; https://www.facebook.com/arikoknationalpark

Comments

comments