Un rato pasa nos a ricibi confirmacion di e caso IBIS a wordo cancela te un otro fecha den 2020. Dia 26 november lo mester a tuma luga un regiezitting p’asina planea e caso di Hoger Beroep pero un rato pasa e notificacion a drenta di parti Ministerio Publico cu e caso a keda posponi un biaha mas. No a duna motibo specifico pa e cancelacion di e zitting.

A busca contacto cu Paul Croes kende ta e acusado principal den e caso aki pero no por a haya su comentario. Pero sigur esaki no ta algo ameno, pasobra ta laga e famia ainda mas largo den un proceso cu ta durando hopi aña caba.

E caso IBIS na e momentonan aki ta den fase di apelacion unda e ex-minister di Labor a apela un sentencia di 4 aña contra e decision di Huez den prome instancia. Un fecha nobo pa e caso no tin ainda.

Comments

comments