Ta dificil pa compronde e forma cu husticia ta traha na Aruba. Ora tende den pueblo kehonan riba e forma cu husticia ta traha, bo mester kerenan tin biaha.

Aki por mustra dos caso serio cu arma unda siguiente dia ya caba ambos sospechoso a haya libertad. Uno tabata den Panamastraat caminda un homber kier a hinca Polis despues di ataka un cacho tambe cu cuchio.

E detencion no a bay facil. Polis a hibe warda y e acusacion tabata uno serio. Aunke e ta zona straño, e dia despues ya caba e sospechoso tabata bek na cas. Tin biaha hendenan ta menaza otro via mensahe di telefon y nan ta keda cera algun dia. Den e caso aki Polis mes ta envolvi y ta testigo y facilmente Fiscal ta laga e sospechoso bay liber.

E otro caso tabata un hincamento na Sabana Liber. Aki un fotografo a haya corta serio y mester a core pa scapa su bida. E tabata herida y a bay cu ambulance. Batayon di Polis a presenta. A detene e dama cu a corta e homber cu ta su pareha. Despues di hibe warda a resulta cu e ta di Venezuela y ilegal na Aruba. No a tene e muher cera pa paga pa su actonan. E dia siguiente a hibe Guarda Nos Costa pa asina e wordo deporta. Kiermen awor aki e husticia ta manera draai estilo cabes abou. Ta djis informacion cu ta importante pa duna pa pueblo sa con nos sistema ta funciona y cu ta trece duda na dado momento.

Comments

comments