Den tur e controversia di ultimo simannan despues di e accidente di brommer, un persona cu continuamente a bini dilanti tabata Ostrick Lennert Jansen, miho conoci como MC Oz. 

Su expresionnan haci, contra miembronan di Cuerpo Policial, a cay den mal tera. Polisnan a sinti cu e forma cu e tabata expresa su mes tabata manera incita otronan pa lanta of menasa Polisnan. Ya caba den un declaracion duna despues di e aparicion di MC Oz riba Facebook, Alto Comisario di Polis Andrew Hoo a bisa cu no ta bay tolera menasanan of cu ta incita hendenan contra Polis.

Awor a yega asina leu cu Ministerio Publico a cuminsa actua. Fiscal Akkerman diabierna mainta a saca un orden di detencion contra MC Oz, di 34 aña y cu tin como adres Timbalstraat 17. E ta wordo busca pa articulo 2:255.  Ta papia di castigonan maximo pa cada categoria cu ta core di entre 2, 4 y 6 aña maximo, dependiendo cual categoria cu OM scoge of e por haya un boet tambe.

MC Oz ta conoci bou di e grupo di motociclistanan. Y esey ta motibo di e detencion aki tambe, ya cu el a sali na defensa di e hoben persigui pa un patruya cu na final a accidenta na rotonde di Seroe Patrishi. A manda e hoben herida mientrastanto pa Colombia pa tratamento mas avansa.

Amigonan di e victima di persecucion di Polis tras di motociclista ta exigi husticia

Amigonan di e victima di persecucion di Polis tras di motociclista ta Exigi husticia

Posted by 24ora on Friday, October 18, 2019

Comments

comments