For di Federacion Panamericana de Levantamiento de Pesas, Aruba Amateur Weightlifting
Association a ricibi un invitacion pa Sr. Hugo Themen bin traha como referee den e
Campeonato Panamericano de Mayores de Levantamiento de Pesas cu a tuma lugar na e
ciudad di Miami, Florida, Estados Unidos for di 21 pa 27 juli 2017. E Campeonato aki
tabata pa clasificatorio pa e Weganan Panamericano cu lo tuma lugar den 2019 na Lima.
Peru. Den e Campeonato Panamericano no menos cu 31 referee internacional a wordo
invita pa bin dirigi e campeonato aki y nan estadia tabata den e hotel Miccosukee Resort.
Tambe tabata tin un record di atleta cu a participa na e campeonato Panamericano aki cu
mas di 230 atleta femenino y masculino for di Continente Panamericana.
Aruba Amateur Weightlifting Association kier a manda palabra di pabien na Sr. Hugo
Themen cu a fungi como referee internacional den e Campeonato Panamericano de
Mayores de Levantamiento de Pesas na Miami, Florida, Estados Unidos.
