Durante e conferencia di prensa awe tardi na Aruba Bank, e institucion financiero a anuncia e fechanan di e evento di walk and run mas grandi, patrocina pa un banco, den nos comunidad. E di 18 edicion di “Aruba Bank Walk & Run 2024” a wordo anuncia cu e lema “Feel The Heartbeat”, conhuntamente cu partners Subway, y IBiSA. Aruba Bank Walk & Run ta dianan 20, 21, 22 y 23 di mei.
E concepto di “FeelTheheartbeat” ta enfoca riba e individual cu ta scucha su curason y bay dilanti y logra su metanan, acumulando mas di binti (20) kilometer durante e cuatro (4) dianan.
Segun Edseline Leer, Head of Retail & Service, Aruba Bank ta sumamente contento di organisa e di 18 Aruba Bank Walk & Run 2024, hunto cu nan partners, y sigui sostene e bienestar di nos comunidad y conscientisa comunidad ariba e importancia di salud fisico.
E registracion di Aruba Bank Walk & Run ta habri 2 di mei pa exactamente 6:00 pm pa e prome 2500 participantenan. Desde number 2501 en adelante ta bay riba e lista di espera (wachtlijst).
Participacion ta AWG 25 pa tur cuatro (4) dia. Tur participante ta ricibi 1 dri-fit shirt, BIB cu chip y promotional items. Nos ta conseha tur hende pa paga nan cupo mesora y garantisa nan participacion. Por haci e pago cu credit card durante registracion, via Online transfer (cliente di Aruba Bank por haya Walk & Run den addressbook) y tambe por paga na IBISA su oficina na Frankrijkstraat, uzando bo debit card. Nos no ta acepta cash.
Por busca e paketenan entrante 6 di mei na IBiSA Oranjestad of San Nicolas. Aruba Bank Walk & Run ta un “plastic free” event, pues nos ta curasha tur participante pa trece nan boter di awa, y lo tin e opcion di refill esaki na halfway di e ruta y na final.
Corda marca e fechanan pa e gran evento cu ta riba e dianan dialuna 20, diamars 21, diaranson 22 y diahuebs 23 di mei den e districtonan di Paradera, San Nicolas, Sta. Cruz y Camacuri. Informacion exacto lo ta publica ariba e Aruba Bank Walk & Run App, ariba www.arubabank.com y ariba nos Instagram y Facebook page.
Download e Aruba Bank Walk & Run App via bo Play store of App store y mantene bo mes prepara y informa di tur detaye di e gran evento aki, organisa pa e comunidad di Aruba.
