Bahul di Calabas ta un actividad den un cura di cas, caminda cu publico por a disfruta di un exposicion di cuadra disfrutando di pasa bocanan tipico
Ta trata di tres dama cu tin hopi aña ta pintando. El a cuminsa como un gezelligheid, caminda cu tin hopi creatividad y hopi ora hinca aden.
Tur esnan cu ta envolvi ta pinta algo cu nan ta haya bunita y di e manera aki a bira manera un actividad den cura di cas. A dicidi e ora pa haci cosnan crioyo pa deleita e publico cu ta bishita.
Tin manera awa di tamarijn, juice di lamunchi, cosnan traha na cas. Naturalmente sin lubida e bolonan crioyo.
E actividad tabata basta bon bishita. E idea tabata un exposicion tabata consisti di sigur 70 cuadra y e organisadornan a keda hopi contento cu e acogida cu nan a haya.
Preparacion
A haci un seleccion di cuadra cu tabata kier a expone, cu tin mas di haber cu e dia. Tabata tin hende cu a ordo cuadra y a bay cu nan. Manera cuadranan di trupial, tambe bahadanan di solo cu a bay. Hendenan cu ta core rond, buscando algo cu tin di haber cu Aruba mes.
Den un manera bisa cu ta haya jammer cu hopi caminda no ta haya productonan local, sino for di otro paisnan den region. Pesey a dicidi pa haci un seleccion di cosnan cu tin di haber cu Aruba mes y asina a bira e Bahul di arte di Calabas.
