For di awe 10:00am te cu 6:00pm a tuma luga e manifestacion cultural na Plasa Status Aparte, na e rotonde di Santa Cruz. A habri porta di ex cas di mayornan di def. Betico Croes pa un exposicion, cu a conta cu hopi interes di publico, specialmente di e generacion nobo.
Pafo tabatin un feria completo cu musica, cos dushi na benta, variocion amplio di cuminda crioyo y un bar bon surti.
Gruponan di baile a presenta pafo, bailando cancionnan tipico di Aruba y entreteniendo e publico presente.
Tur aña riba Dia di Betico y tambe riba Dia di Himno y Bandera na maart, ta habri portanan di e cas pa un exposicion publico.
