Publico kier sa mas durante nan bishita na museonan na San Nicolas

484

E museonan na San Nicolas tabata habri den cuadro celebracion Dia di Betico. A cuminsa cu e dia cu hisamento di bandera. Ta contento cu e bishitantenan. Naomi van der Biezen, manager di Museum of Industry y Community Museun na San Nicolas, a splica cu e ta algo menos cu a spera e aña aki. 

Pero si ta hopi gradicido cu tur hende a tuma e tempo y a bin bishita e museonan. Pa loke ta e tournan cu a planea pa 1’or, 2’or y 3’or di merdia, tabata hopi bon bishita, na e museo di Industria. A conta cu basta bishitante. Aruba a bishita e museonan e dia aki.


Preparacion

Aña pasa no tabata tin tour. A haya como feedback cu e bishitante kier sa mas. A pone e trahadonan di museo riba pia y ta splica tur loke ta e proceso di e diferente industrianan of e economia unda cu nos ta awor aki.


Nicolaas Store

Na Nicolaas Store a pasa riba loke ta e comunidad. No solamente na San Nicolas, pero tambe Aruba. Aruba ta consisti di 96 tipo di nacionalidad y sin mas tin cu honra esaki. Tin comerciantenan cu a haci Aruba locual cu e ta awendia. Tin e storia di e refineria, pero tambe tur e personanan cu a migra den e diferente epocanan. Tambe nos musica, historia di antiguedad, ta ricibi na Nicolaas Store y tambe den e Community Museum.


Carnival Euphoria

Carnival Euphoria ta un exposicion di Carnaval cu a habri na 2018 y awe tabata habri entre 12’or di merdia y 4’or di atardi. Anky Vrolijk, directora di Museo Arubano a splica cu e dia a bay hopi bon. Constantemente tin fluho di hende cu ta drenta y a keda hopi impresiona pa loke cu nan tin den nan exposicion.Loke por a mustra tabata e portadanan di Bacanal. Tambe tin diferente piezanan di carnaval cu a haya como donacion for di diferente persona, cu hendenan por bin admira y mira e parti artistico aki y tur e talento cu nos hendenan di Aruba tin pa loke ta carnaval.

Feedback

Mas of menos 125 hende a drenta, desde momento cu e luga a habri. E reaccion tabata hopi bunita y por a mira cu tur hende tin un storia di nan mes. Tur hende ta corda algo di e epoca. Sea un reina cu a sali of cu a join un ke otro grupo. Tin hopi storia.E publico a keda hopi impresiona y esey ta loke cu kier a logra tambe. Den futuro lo tin e museo di carnaval completo. Esey ta loke ta trahando pe, Vrolijk a comenta por ultimo.