Den oranan di atardi, polis ta bay na New Food Center na San Nicolas, caminda cu propietarionan di e luga a denuncia un homber, kende aparentemente tabata burachi, lo a pasa boef un boter di pica di Madam Janet y cana bay manera nada no a pasa.
Segun testigonan, e homber aki a cumpra varios cos den e tienda, pero net e boter di pica el a haya gana di hinca den su saco. E Chines a want’e y a yama polis p’e. Una bes cu nan a yega nan a hibe warda pa asina e duna cuenta kico e lo a bay haci cu e pica sin paga.
