Awe diabierna pa 3:00pm a sosode un accidente riba e caminda net despues di pasa Franse Pas na Santa Cruz. Chauffeur di un Suzuki Swift a perde control net den e bocht, a baha caminda, dal den palo di luz. E Swift a raspa e palo di luz na banda y a ricibi basta daño. E auto a keda parcialmente riba caminda. E chauffeur a baha for di auto y sinta riba un baranca canto di caminda.
Pero e odisea di e hoben chauffeur aki no a caba. Despues di un rato, segun version di e Suzuki Swift, un Altezza biniendo for di Sabana Basora, a lora e bocht sin paga tino cu tabatin un accidente, a dal den e Swift y a sigui su caminda. Ta trata aki di un Altezza color blanco cu riem di oro cu a sigui den Franse Pas. E dama chauffeur tabatin un mucha hunto cun’e den auto.
Ambulance a presenta na e sitio pa haci un checkup, pero e no tabatin nada, si hopi susto. Pa loke ta e palo di luz, NV Elmar a presenta na e sitio, pa cambia e palo di luz.
