Den oranan di mainta seguridad cu ta tira bista riba negoshinan den Havenstraat a pidi presencia di polis. Un homber tabata move rond eybanda ta ofende hende. Polis a busca su drechi y a topa cu ne banda di Kerki. A atende cu e homber.
A resulta cu e tabata bebi. E tabata burachi y ademas den su buracheria tabata ofende hende. Turistanan cu tabata den vecindario mainta trempan mester a scucha ofensa di e homber. Polis a dicidi di detene e homber y hibe warda pa e sosega algun ora. Ora e bin bek na su tino 100% e lo haya su libertad y tambe un multa pa openbare dronkenschap.
