Den oranan di marduga un unidad di Polis riba caya a topa un auto moviendo direccion Playa riba e caminda di Tanki Flip pa Ponton. E polisnan a mira cu e auto ta core zig zag. Prome a pensa cu kizas e persona ta atende cu telefon y stuur. A resulta cu e tabata mas bien bebi. Polis a para e chauffeur. E tabata tin un boter di cerbes cera ainda den e auto.
A puntre mesora si el a bebe y a bisa no. Asina mes e ta saca holor di alcohol den su rosea. Polis a dicidi di laga e homber supla. E cos a sali di malo pe. El a supla halto. El a supla riba un nivel caminda hasta el a perde su rijbewijs. Polis a detene hibe warda. E homber mes a bisa polis cu nan a haci un bon trabou. Awor fiscal y hues lo bay dicidi ki dia y con e lo haya su rijbewijs bek. E homber ta un coki y awor mester di lift pa yega trabou na un hotel.
