Na San Nicolas polis a bay atende cu un homber den e area di Macro Supermarket. Polis a haya e homber pata pata burachi. E homber no ta corda su adres. Pa su propio siguridad polis a dicidi di deten’e pa buracheria riba cayanan publico.
A pidi e transporte policial y hib’e warda. E presencia di polis y detencion a cay den masha mal tera cerca e homber deteni. El a cuminsa cu un ofensa hopi pisa contra e polisnan. Hasta a coba mama di e polisnan.
A djis scucha su expresion mahos pero esaki no a cambia e decision pa cu e detencion. A hiba e homber warda unda un subfiscal a atende cu ne y finalmente dicidi unda e lo pasa e anochi.
