Diasabra, pa mas of menos 9’or y 50 di anochi, patruya a bay den caya grandi pa atende cu un situacion un tiki peculiar. Na yegada di patruya a bin topa cu un hoben cu no tabata mustra mucho bon y tabata actua hopi straño. Ora polis a bay atende cun’e, el a lanta contra polis. Mesora a manda pidi refuerso pa asina duna nan asistencia. Na momento cu refuerso a yega, nan a nota cu e hoben lo tabata bao di un ke otro substancia y a manda pidi ambulance di biaha. Tata di e hoben tambe a bay den caya y a bay papia cu e yiu. E yiu a halsa cu e tata na e momento ey. E mama tambe a presenta y a cuminsa papia cu e yiu homber, te cu el a calm’e y bay cun’e den auto hib’e cas na Hooiberg. Eynan ta caminda e hoben a bira agresivo, di manera cu patruya a wordo manda na e cas pa busca e hoben, hunto cu su mama, pa asina transporta nan pa Spoed Eisende Hulp pa duna e hoben asistencia medico. Ademas di tur esaki, e hoben tambe lo a corta su man cu un pida glas.
